Spontani Bike-Tour durchs herrlicha Panorama vo Lenzerheid und Umgebig
Mit em Lina 1 Bus direkt uf’d Heid (Gemäss Schlagermausi heisst’s richtig „Lenzi“).
Bike usglada gohts den au scho los vom TuriZentrum weg uf da 601 Famila Singeltrail. Sehr sehr Flowig bis Lenz uf dr Rothornsita, wechslen mir au scho z’Taal und gön a stuck der Biathlon Strecki lang. Bis zum ma wunderschöna ussichts Punkt wo ma uf Alvaschagn gseht. Kurz vor dr „Lenzi“ nähmen mir au scho di nöscht Strecki in angriff. Nun heisst es alles am 604i folga. Noch da ersta gwunnana Höhameter verpflegen mir üs unter ma schattiga Plätzli. Dr Teerstross witer gfolt treffen mir au scho uf bekannti Gsichter, natürlich nur a kurza plausch und witer goht ufwärts :D. Uf em aba Weg no zu ma kinderlos-fründlicha Beizli ikehrt (bi Spoina) gönnen mir üs statt Mineral mit Öpfelsafft (Shorli) a selbergmachta Sirup. Wärend dr Paparazzi uf em Klo gsi isch hät ma mit siner Kammera kli umfug gmacht. Aber keis Problem.. er hät’s recht früah gmerkt.
Wieder zruck verladen mir d’Bikes und machen im H2Lai halt und wärmen üs im 30° Wasser- und gfühlta 50° Luft-Temperatur kli uf.. Nun nochdem au alli den recht Hunger ka hän, simmer kli ar 1.Augustfiir vor Lenzi gsi. Lecker Dööner (scharf), Caipirinha, Ziegünerspiess, Caipirinha und Dessert am gnüssa wie Fürsta. Sogär die soziali Ader isch bim Carli füra cho als er ma arma Buab wo wohrschinlich no nie Dööner ka hät, sini Servietta vermacht hät. Er isch wie dr Hänsel gsi, ma hät gwüsst wo er dura glofa isch.
Dr krönendi worschinlich au legendäri Abschluss hämmer aber den uf em Wiesatalparkplatz ka, als mir Nici’s Füüürwerk abgloh hän. Blendet vo den impulsiva Vulkän hämmer denn Tränawasser lacha könna wo mir die ander Amateura gseh hän. Lächerlich was ma uf em Offiziella Markt alles kriegt 😀 … Es isch a hammer Tag gsi.. Mercie

Download file: Lenz-601-604.gpx